إزاي التغليف الصح يقلل المرتجعات ويحافظ على سمعة البيزنس؟
المرتجعات من أكتر المشاكل اللي بتوجع أي بيزنس صغير. العميل لما يستلم منتج مكسور أو بايظ، بيطلب استرجاعه، وده معناه خسارة فلوس وسمعة. وهنا ييجي دور التغليف الصح كأداة لتقليل المرتجعات.
١- التغليف بيحمي المنتج أثناء النقل
- منتجات زجاجية أو حساسة لازم تتغلف ببابل راب أو فوم.
- استخدام كرتونة دوبل أو تريبل وول بيمنع الكسر.
٢- التغليف المناسب يقلل الأخطاء
كرتونة مظبوطة على مقاس المنتج تمنع حركة المنتج جوه الكرتونة. ده يقلل احتمال الكسر أو الخدش.
٣- سمعة البراند بتاعتك في خطر
كل منتج بيرجع = عميل متضايق = ريفيو سلبي.
أما لو العميل استلم المنتج سليم، بيكتب ريفيو كويس وده يقوي سمعتك.
٤- التوفير على المدى الطويل
ممكن تفتكر إن الخامات القوية أغلى، بس الحقيقة إن المرتجعات بتكلفك أكتر بكتير من فرق السعر.
الخلاصــة : التغليف مش بس شكل حلو… التغليف هو خط الدفاع الأول اللي يحافظ على منتجاتك وسمعتك. وكل ما استثمرت في تغليف ذكي، كل ما قللت الخسائر وزودت رضا العملاء.